Ֆրանչեսկո Բոնամի
Ֆրանչեսկո Բոնամի | |
---|---|
Ծնվել է | հոկտեմբերի 25, 1955[1] (68 տարեկան) |
Ծննդավայր | Ֆլորենցիա, Իտալիա |
Քաղաքացիություն | Իտալիա և ԱՄՆ |
Մասնագիտություն | արվեստի քննադատ, համադրող և արվեստագետ |
Francesco Bonami Վիքիպահեստում |
Ֆրանչեսկո Բոնամի (իտալ.՝ Francesco Bonami, հոկտեմբերի 25, 1955[1], Ֆլորենցիա, Իտալիա), իտալացի արվեստի համադրող, գրող։ Թուրինի Fondazione Sandretto Re Rebaudengo պատվավոր ղեկավար։ Բնակվում է Միլանում և Մանհեթենում[2]։
Կենսագրություն
[խմբագրել | խմբագրել կոդը]Բոնամին ծնվել է Ֆլորենցիայում։ 1991 թվականին տեղափոխվել է Նյու Յորք, որտեղ նշանակվել է Flash Art ամսագրի խմբագիր։ 1999-2008 թվականներին եղել է Չիկագոյի ժամանակակից արվեստի թանգարանի ավագ համադրող և Ֆլորենցիայի Fondazione Pitti Discovery գեղարվեստական տնօրեն[3]։ 1997 թվականին ղեկավարել է SITE Santa Fe-ի 2-րդ հրատարակությունը, 2003 թվականին՝ Վենետիկի բիենալեի 50-րդ հրատարակությունը[4], ինչպես նաև եղել է Manifesta 3 (2000) և 2010 Ուիթնի բիենալեի համադրողներից մեկը[2]։
Բոնամին ցուցահանդեսներ է կազմակերպել նաև Լոնդոնի Ուայթչափել արվեստի պատկերասրահում, Լոնդոնի Հեյվորդ պատկերասրահում, Վենետիկի Պինոլտ հիմնադրամում, Մինեապոլիսի Walker Art կենտրոնում, Փարիզի Ժամանակակից արվեստի թանգարանում, Տոկիոյի Հարա ժամանակակից արվեստի թանգարանում, Դոհայի Qatar Museums Authority-ում։
2013 թվականին Թուրինում տպագրվող իտալական «La Stampa» օրաթերթում Բոնամին գրում է, որ Վենետիկի քաղաքային խորհրդի որոշմամբ Չարլզ Ռեյի «Տղայի և գորտի քանդակի» հեռացումը Punta della dogana-ից «վարչական վախկոտություն» է, իսկ քանդակին փոխարինող լապտերասյունը՝ «մշակութային խավարի ակնթարթ»[5]։
Հրապարակումներ
[խմբագրել | խմբագրել կոդը]Բոնամին հեղինակել է մի շարք մենագրություներ Դուգ Էյտկենի, Վանեսա Բիկրոֆտի, Մաուրիցիո Կատելանի, Թոմաս Դեմանդի, Դեմյան Հերստի, Ջեֆ Կունսի, Գաբրիել Օրոսկոյի, Ջեֆ Ուոլի աշխատանքների հիման վրա։
Աճուրդային գործունեություն
[խմբագրել | խմբագրել կոդը]2014 թվականի հոկտեմբերին Լոնդոնի Ֆիլիպս աճուրդի կենտրոնում կազմակերպել է ժամանակակից քանդակի վաճառքի շոու։ Հաջորդ տարի Նյու Յորքի Ֆիլիպս աճուրդի կենտրոնում կազմակերպել է իտալական արվեստի 50 աշխատանքների աճուրդ[6]։
Ծանոթագրություններ
[խմբագրել | խմբագրել կոդը]- ↑ 1,0 1,1 Կերպարվեստի արխիվ — 2003.
- ↑ 2,0 2,1 Rachel Wolff (February 14, 2010), 112 Minutes With Francesco Bonami New York Magazine.
- ↑ «Frieze Foundation | Biography | Francesco Bonami». friezefoundation.org. Արխիվացված է օրիգինալից 2014 թ․ օգոստոսի 7-ին. Վերցված է 2015 թ․ սեպտեմբերի 20-ին.
- ↑ Universes in Universe - Pat Binder, Gerhard Haupt. «50th Venice Biennial, 2003». universes-in-universe.de. Վերցված է 2015 թ․ սեպտեմբերի 20-ին.
- ↑ «AFP: Venice removes controversial Boy with Frog statue». web.archive.org. Արխիվացված է օրիգինալից 2014 թ․ մարտի 4-ին. Վերցված է 2015 թ․ սեպտեմբերի 20-ին.
- ↑ Anny Shaw (January 12, 2015), New York’s first Italian sale to look beyond Arte Povera Արխիվացված 2015-01-13 Wayback Machine The Art Newspaper.
Վիքիպահեստն ունի նյութեր, որոնք վերաբերում են «Ֆրանչեսկո Բոնամի» հոդվածին։ |
|